Святар Алег Буткевіч, прызначаны на пасаду біскупа Віцебскай дыяцэзіі, пачне кіраванне з рэформы дыяцэзіяльнай Курыі ды кадравых пытанняў.
“Трэба будзе вырашыць арганізацыйныя пытанні, звязаныя з дзейнасцю дыяцэзіяльнай курыі, яе структурай. Вядома, што асноўная праца будзе тычыцца персанальных пытанняў”, - сказаў ёнБеларускай рэдакцыі Ватыканскага радыё.
Святар прызнаўся, што навіна аб прызначэнні яго на біскупскае служэнне была нечаканай. “Для мяне гэта ў пэўным значэнні шок”, прызнаўся біскуп-намінант.
*Курыя - гэта кіраўнічы орган рыма-каталіцкай дыяцэзіі.