Ксёндз Кшыштаф Сілкоўскі працуе ў Беларусі ўжо чвэрць стагоддзя. А да гэтага было 9 гадоў місіянерскага служэння ў Конга.
Парафію ў Шаркаўшчыне ксёндз Кшыштаф прыняў ад ксяндза Юозаса Булькі, які яе тут адрадзіў. Храма на той час не было, быў заліты толькі падмурак. А зараз Шаркаўшчына мае прыгожы касцёл, адрадзілася і душпастырская праца ў парафіі. Шмат высілкаў да гэтага зрабіў ксёндз Кшыштаф.
З нагоды юбілею ў нядзелю 18 чэрвеня адбылася ўрачыстая Імша, напрыканцы якой святара павіншавалі вернікі парафіі, прадстаўнікі ўлады, а таксама дзеці. А пасля Імшы адбылася працэсія, прысвечаная святкаванню ўрачыстасці Божага Цела.
Даслана Зьміцер Лупач, 19.06.17